МБОО Уолбинская СОШ имени В.И.Ленина МР"Таттинский улус" РС(Я)
|
Меню сайта
Статистика
Онлайн всего: 1 Гостей: 1 Пользователей: 0 |
Мас тардыһыыМас тардыһыыга 2015-16 үө.дь. сезонун түмүктээһин Уолба ыччаттара уонна оҕолоро Мас тардыhыы көрүҥүнэн утумнаахтык, ситиhиилээхтик дьарыктаналлар. Ол курдук кэнники сылларга ыччаттартан үс киһи Саха сирин спордун маастардарыгар тиийэ үүннүлэр.
Уолба орто оскуолатын оҕолоро сылын аайы республика чемпионаттарыгар Таатта сборнайын састаабыгар киирэн төрөөбүт улуустарын чиэһин ситиһиилээхтик көмүскүүллэр. Ол курдук быйыл Аммаҕа ыытыллыбыт улахан уолаттарга республика чемпионатыгар Таатта улууьун хамаандата кыайыы өрөгөйүн биллэ. Манна биһиги оскуолабыт мадьынылара икки кыьыл көмус, биир үрүҥ көмүс, биир боруонса мэтээли ыланнар төһүү күүс буоллулар. Быйылгы үөрэх дьылыгар республика икки төгүллээх чемпиона уонна Казахстан Алматы куоратыгар ыытыллыбыт международнай турнир призера Семенов Никита-Сүргэн оскуолабыт биир бастыҥ мадьыныта буолар. 2013 сылтан оскуолабыт мас тардыһыытыгар күһүн аайы “Открытие сезона,” онтон саас - “Закрытие сезона” күрэхтэһиилэри тэрийэн ыытара үтүө үгэскэ кубулуйда. Сыллата күрэхтэһии ыыра кэҥээн, кыттааччыта элбээн иһэр. Ол курдук бу сыл муус устар 20 күнүгэр буолан ааспыт “Закрытие сезона-2016” күрэххэ Томпо, Чурапчы, Таатта улуустарын мадьынылара күөн көрүстүлэр. Күрэхтэһиини Ермолаев Петр Петрович комментарийдаан, киирсиилэри сытыырхатан, көрөөччүлэри уһугуннаран биэрдэ. Петр Петровичка, биһиги көрдөһүүбүтүн ылынан кэлэн үлэлээбитигэр, махталбытын тиэрдэбит. Судьуйаларынан үлэлээтилэр бэйэбит выпускниктарбыт, мас тардыһыытыгар спорт маастардара Баишев Модест, Попов Иннокентий. Уопсайа 11 ыйааһынтан 7 ыйааһыныгар биһиги эдэр мадьыныларбыт инники күөҥҥэ таҕыстылар: 30 кг -Борисов Уйгун, 43 кг - Егоров Данил, 46 кг - Багардынов Данил, 50 кг - Боппосов Саша, 53 кг - Неустроев Миша, 56 кг- Максимов Игнат, 70 кг үөһээ - Семенов Никита-Сүргэн. Онтон 35 кг – Герасимов Саша (Чурапчы Хадаар), 40 кг – Филатов Данил (Таатта Ытык-Күөл), 60 кг – Малышев Георгий (Таатта Ытык-Күөл), 63 кг – Андросов Вася (Таатта Ытык-Күөл) кыайыы өрөгөйүн биллилэр. Саамай тыҥааһыннаах киирсиини 30 киилэҕэ Борисов Уйгун уонна Капитонов Слава көрдөрдүлэр. Бу киирсии түмүгэр Борисов Уйгун кыайан, бэйэтин ыалдьааччыларын үөртэ. Күрэхтэһии чыпчаалынан муҥутуур кыайыылааҕы быһаарар киирсиилэр буоллулар. Манна 4 мадьыныттан кыайыылааҕынан Семенов Никита-Сүргэн таҕыста. Бу күрэхтэһии түмүгэ көрдөрөрүнэн, Таатта тренердара утумнаахтык үлэлииллэрин, Республикаҕа инники күөҥҥэ сылдьалларын өссө биирдэ бигэргэттилэр. Бары кыайыылаахтар, призердар нэһилиэкпит администрацията, тэрилтэлэрэ, биллиилээх спортсменнара, предпринимателлэрэ, олохтоох оскуола, Таатта улууһун Ыччат уонна дьиэ кэргэн политикатыгар управленията, улуустааҕы Спорткомитет, ДЮСШ туруорбут сыаналаах бириистэрин туттулар. Түгэнинэн туһанан бары спонсордарбытыгар бу көрүҥҥэ улууспут инники эрэллэригэр - эдэр мадьыныларга - өйдүү-саныы сылдьалларыгар маннык спорт бырааһынньыгын бэлэхтээбиттэригэр тэрийээччилэр ааттарыттан махталбытын тиэрдэбит.
Неустроев А.М., физкультура учуутала, тренер
И.С.Кочкин бирииһигэр
Сандал саас кэлэн, оҕо дьон таһырдьаттан киирбэт үтүө күннэрэ үүннүлэр. Күүтүүлээх уһун сынньалаҥнара номнуо ааһа охсон, түбүктээх төрдүс чиэппэр саҕаланан, үлэ – үөрэх күөстүү оргуйар. Уолба оскуолатыгар сааскы уһун өрөбүллэр үөрэнээччилэргэ да, учууталларга да таһаарыылаахтык аастылар. Кулун тутар бүтүүтэ Уолбабыт алааһын киэн туттуута, биир дойдулаахпыт, көҥүл тустууга ветераннарга Аан дойду икки төгүллээх чемпиона, Саха Республикатын үтүөлээх тренерэ, Саха Республикатын үөрэҕириитин туйгуна, Саха Республикатын физическэй культураҕа уонна спортка туйгуна, Таатта улууһун, Уолба нэһилиэгин Бочуоттаах олохтооҕо, спорт маастара Иннокентий Семенович Кочкин бирииһигэр олохтоох оскуола уонна И.Г.Федосеев аатынан ДЮСШ тэрийиилэринэн кыра уонна орто саастаах уолаттарга республиканскай турнир ыытылынна. Куочукун көбүөрэ быйыл 17 – с төгүлүн тэлгэннэ. Бу күрэхтэһиини сорох сылларга Игидэй, Тааттыныскай нэһилиэктэрин тустууну таптааччылара астына көрбүттэрэ. Быйылгы турнирын Иннокентий Семенович төрөөбүт алааһыгар саҥа тутуллубут культура уонна спорт комплексыгар үөрэ – көтө тэрийдэ. Бу тыҥааһыннаах күрэхтэһиигэ республикабыт тоҕус улууһуттан 90-тан тахса бөҕөс кэлэн, күөн көрүстүлэр. Икки күннээх күрэхтэһии түмүгүнэн 10 ыйааһыҥҥа кыайыылаахтар биллэннэр, өрөгөйдөөх музыканан доҕуһуоллатан, үрдүк пьедесталга таҕыстылар. Ол курдук алта ыйааьынна ыалдьыттарбыт, Дьокуускай куорат бөҕөстөрө, икки ыйааьыҥҥа Хаҥаластар, бииргэ - Үөһээ Дьааҥы, 54 киилэлээхтэргэ Дьохсо5онтон Ньургун Малышев кыһыл көмүс мэтээл хаһаайыттарынан буоллулар, Чөркөөхтөн 28 кг. Петров Максим, 30 кг. Аржаков Арчын. 32 кг. Мандаров Мичил, 42 кг. Жерготов Андриан иккис, Ытык-Күөлтэн 24 кг. Халгаев Уйусхан, 38 кг. Свинобоев Айсен, 42 кг. Другин Владик үһүс, Уолбаттан 24 кг.. Неустроев Ариан, 54 кг. Рахлеев Айсен, Мосоркин Аким үһүс миэстэлэргэ таҕыстылар. Кыайыылаахтары спорт ветераннара, тренердэр, тэрилтэ салайааччылара эҕэрдэлээтилэр, мэтээллэри кэтэртилэр, Иннокентий Семенович тус бэйэтин бириистэрин уонна нэһилиэкпит бары тэрилтэлэрин, чааьынай предпринимателлэрин сэмэй бэлэхтэрин туттардылар. Түгэнинэн туһанан, өрүүтүн да буоларын курдук көхтөөхтук көмөлөспүт бары спонсордарбытыгар махталбытын тиэрдэбит. Саха дьоно киэн туттар, бүгүн аан дойду улахан көбүөрдэригэр чаҕылхай тустууну көрдөрөр саха уолаттара Виктор Лебедев, Владислав Андреев, Тимур Мамедов уо.д.а. Куочукун көбүөрүттэн куорсун анньыммыттара. Онон Иннокентий Семенович тэрийэр турнира кэскиллээх, үгүс уол оҕо олоҕор боччумнаах суолу – ииһи хаалларар, кыайыыга кынаттыыр, тулуурдаах, дьулуурдаах буолууга үөрэтэр аналлаах республикаҕа ыытыллар турнирдартан биир дьоһуннаахтара буоларын бэлиэтээн туран, саха омук спортка бастакы нүөмэринэн ааттыыр бу көруҥэр улууспутугар өр сылларга таһаарыылаахтык үлэлиир тренердэргэ Рожин И.В., Малышев Е.Д., Халгаев Т.В., хоннохтоохтук ылсан эрэр эдэр тренер Попов О.В. махтанабыт уонна урукку өттүгэр элбэх ааттаах-суоллах тустууктары иитэн таһаарбыт, сөптөөх инвентарынан хааччыллыылаах Баайаҕалар, Туора күөллэр, Игидэйдэр, Уут-Таатталар, Тыараһалар уо.д.а. инникитин бу турнирга кыттыыны ылыахтара диэн күүтэбит.
Боппосова З.П., учуутал Туһалаах семинар Бу сыл кулун тутар 29 күнүгэр Уолба орто оскуолатыгар “Инновационная педагогичекая деятельность учителя” диэн олус үчүгэй, туһалаах семинар буолан ааста. Бу семинары Хотугулуу - Илиҥҥи Федеральнай Университет профессора, педагогическай наука доктора, учебнай научнай лаборатория сэбиэдиссэйэ Е.Д. Денисова салайааччылаах Зарубежнай филология уонна регионоведение институтун преподавателлэрэ кэлэн ыыттылар. Ол курдук КФФ ИЗФиР преподавателя, учебнай научнай лаборатория научнай сотруднига Е.М. Давыдова “Аныгы үөрэтии ньымаларыгар” тохтоото. Омук тылын үөрэтиигэ, оҕо түргэнник ылынарыгар араас программалары туһанан үлэлиир опытын үллэһиннэ. Омук тыла сотору кэминэн түмүктүүр государственнай аттестацияҕа киирээри турарынан сибээстээн, онно оҕону хайдах эрдэттэн бэлэмнииргэ, араас тургутуктар ис хоһоонноругар тохтоото. Дьокуускай куорат 23 нүөмэрдээх оскуола математикаҕа учуутала Н.Д. Винокурова “Индивидуальные образовательные программы” лекциятыгар оҕону кытта биирдиилээн үлэлииргэ туһуламмыт образовательнай программаҕа, билиҥҥи кэмҥэ барыбытын долгутар эффективнай контракка, рейтинговай системаҕа болҕомтотун уурда. Нина Денисовна оскуолатыгар математика учууталларын методическай холбоһуктарын салайааччыта буоларынан бэйэтин үлэтин опытыттан кэпсээтэ, ордук бары сэҥээрэ көрдүбүт “Копилка” диэн анал программаҕа оҥоһуллубут папкатын. Бу папка кэрэхсэтэрэ манна баар докуменнар бары бэйэ-бэйэлэриттэн сиэттэрэн гиперссылканан хостонон тахсан иһэллэрэ, манна учуутал туох баар бары докуменнара, файллара теманан сааһыланан сылдьаллара буолар. Педагогическай наука кандидата, КИЯ доцена И.Т. Артемьев “Авторскай программалар технологияларын ньымалара” диэн лекциятыгар бэйэтэ оҥорбут авторскай программатын билиһиннэрдэ. Бу саҥа сүүрээн эмиэ олус интириэһинэй буолла. Боростуой презентация программатыгар оҥоһуллубут гынан баран учуутал уруокка туттарыгар олус табыгастаах программа эбит. Лекцияны истибит бары учууталлар саҥа методиканы олус сэҥээрдилэр. Бу программа саҥа теманы барарга да, оҕо билиитин бэрэбиэркэлииргэ да олус табыгастаах уонна омук тылын уруогар эрэ буолбакка, ханнык баҕарар предметка сөп түбэһэр буолан ордук сэҥээриини ылла. Иван Трофимович бу программатын оскуолабытыгар хаалларан барбытыгар махталбыт улахан . Бу семинарга Уолба орто оскуолатын бары учууталлара, Ытык-Күөл 1 нүөмэрдээх оскуола омук тылын учууталлара Л.Н. Саввина, Н.К. Борисова кэлэн кыттыыны ылан бардылар. Семинар болдьоҕо төһө даҕаны кылгас буоллар, истээччилэр элбэх саҥа ньымалары туттарга үөрэннилэр, билиилэрин хаҥаттылар. Семинар тематын толору арыйан, сыалын-соругунситтэ. Елена Денисовнаҕа коллектив аатыттан туһалаах тэрээһин буолан ааспытыгар махталбыт улахан. Бу күн түмүгүнэн сертификаттар туттарылыннылар, санаа атастастылар, опыттарын үллэһиннилэр. Преподавателлэр салгыы бииргэ үлэлииргэ оскуоланы кытта договор түһэрсэн бардылар. Баишева С.М., директоры үөрэх чааһыгар солбуйааччы Саҥа кинигэ биһирэмэ Биир дойдулаахпыт Иван Гаврильевич Нелунов кэлин сылларга суруйар идэ абылаҥар ылларан, олох дьикти өрүттэрин арыйар, дьон дьылҕатын историяҕа тиһэр. Үгүс суруйуулара «Туймаада» хаһыакка тахсалларын сэҥээрэн ааҕабыт. Ааспыт сыл бүтэһигэр Иван Гаврильевич “Күлүгүрбэт күлүктэр” диэн ааттаабыт үһүс кинигэтэ күн сирин көрдө, дойдутун дьонугар үтүө бэлэх буолла. Кинигэ биһирэмэр үгүс киһи муһунна. Иван Гаврильевич кылгастык үлэтин кытта билиһиннэрдэ. Кинигэ түөрт чаастан турар: «Тааттаны «Таатта» дэппиттэр», «Хаартыска нөҥүө сэһэргэһии», «Аччай аҕа ууһун сыдьааннара», «Эдэр саас уйулҕата». Бастакы чааһыгар автор, аатыгар да этиллэрин курдук. улууспут аатын ааттаппыт, олох араас эйгэтигэр таһаарыылаахтык үлэлээбит, улуус, нэһилиэк сайдыытын историятыгар бэйэлэрин кылааттарын киллэрбит ураты дьылҕалаах ытык дьоммут туһунан сэһэргиир. Иван Гаврильевич суруйар үлэтигэр биир сонун хайысханы тутуһан, ааҕааччы сэҥээриитин ылар. Ол хаартыска нөҥүө дьон олоҕун сырдатыы, ааспыт кэмнэри ахтыһыы, эдэр ыччакка олох суолтатын өйдөтүү... Кинигэ бу чааһа ааҕааччыны ордук кэрэхсэппит. Үһүс чааһы автор бэйэтин төрдүн – ууһун үөрэтиигэ анаабыт. Төрөөбүт - үөскээбит алааһын олоҕун уйгутун тутуспут, ураты дьылҕалаах аймах дьонун билиһиннэрэр.Төрдүс түһүмэххэ Иван Гаврильевич эдэр сылдьан суруйбут хоһооннорун киллэрбит. Сүүрбэччэлээх эрэ эдэр киһи инникитин өтө көрбүтэ, олоххо сыалын дьоһуннук туруорбута уонна ону ситиспитэ автор туһунан үгүһү этэр. Кинигэ биһирэмигэр кыттыыны ыллылар уонна санааларын атастастылар: Иван Гаврильевич кэргэнэ, ХИФУ омук тылыгар кафедратын сэбиэдиссэйэ, педагогическай наука доктора Е.Д. Нелунова, быраата Г.Г. Нелунов, биир дойдулааҕа С.К.Архипова, оскуола директора И.И.Атласова, нэһилиэк баһылыгын солбуйааччы С.Р.Мосоркина, “Дьэҥкир алып” түмсүү кыттыылаахтара, учуутал К.И.Рахлеева, 4 кылаас үөрэнээччитэ Айсена Товарова. Бары Иван Гаврильевич төрөөбүт алааһын историятын үөрэтиигэ дьоһун кылааты киллэрбитин, нэһилиэгин, улууһун дьонун үйэтиппитин, кинигэ тыла хомоҕойун, судургутун астынан туран бэлиэтээтилэр. Түмүккэ Уолба нэьилиэгэ» МТ салалтата И.Г.Нелуновка дириҥник махтанан туран «Нэһилиэк сайдыытыгар кылаатын иһин» үрдүкү бэлиэтин туттарда.
Боппосова З.П., учуутал
Москваҕа баран кэллибит Кулун тутар ыйга биһиги оскуолабытыгар соһуччу сонун кэлэн үөртэ. Оскуолабыт 4 үөрэнээччитэ: Рахлеев Денис, Егоров Данил, Мосоркин Айаал, Карбаканов Айастаан, Москва куоракка “Олимп” олимпиадаҕа кытталларыгар ыҥырыы сурук кэллэ. Бу олимпиада уратыта диэн метапредметнай. Уопсайа биэс этаптан турар. 1,2,3 этабын (муниципальнай, региональнай, окружной) онлайн, интернет нөҥүө 15 мүнүүтэ иһигэр толорон ыыталлар. Онтон 4,5 (Всероссийскай, международнай) этаптарга үрдүк баллы ылбыт оҕолор дойду тэбэр сүрэҕэр, Москва куоракка, баран кытталлар. Ол курдук, оскуолабыт ыҥырыыны ылынан, ыытан кытыннаран, оҕолорбут өттүк харалаах, илии тутуурдаах кэллилэр. Уолаттар маннык кэпсээннээх буоллулар: Данил: Метапредметнай олимпиада атын олимпиадалартан уратыта диэн атын-атын предметтэртэн ыйытыылар, задачалар бааллар. Ону бэриллибит бириэмэ иһигэр эппиэттээн туттараҕын. “Олимп” олимпиадата үөрэнээччигэ элбэх саҥаны биэрэр эбит дии санаатым. Биһиги сайдарбытыгар, элбэх саҥаны билэрбитигэр олук уурар. Тоҕо диэтэххэ, бүтүн Россия уонна норуоттар икки ардыларынааҕы таһымнаах олимпиадаҕа уопсайа 700 кыттааччы баара, биһиги группабытыгар 205 оҕо кыттыыны ылбыта. Атын омук оҕолорун кытта бэйэҕин тэҥнээн, тургутан көрөҕүн. Үөрүүлээҕэ диэн, бастакытынан, икки оҕо: Мосоркин Айаал – 2 миэстэ, Карбаканов Айастаан – 3-с миэстэ буоланнар мэтээлинэн уонна дипломунан наҕараадаланнылар. Иккиһинэн, кыттыбыт оҕолорго барыларыгар сертификат туттараллара уонна “За выдающиеся успехи” мэтээлинэн наҕараадалыыллара, үсүһүнэн, биһиги бу олимпиадаҕа кыттыытын оскуолабыт чиэһин көмүскээн “1000 лучших школ России” диэн свидетельство аҕаллыбыт уонна бэйэбит “Лучшие выдающиеся ученики России” базаҕа киирдибит. Эһиил өссө үчүгэйдик бэлэмнэнэн миэстэлэһэргэ диэн сыаллаахпын. Айаал: Мин саамай өйдөөн хаалбытым диэн уонна бэйэбэр саҥаны билбитим диэн Москва устун автобуһунан экскурсия буолар. Онтон биллэн туран, Москваҕа барбыт киһи барыта син биир Кыһыл болуоссаты көрбөккө эрэ ааспата буолуо, ол курдук миигин эмиэ улаханнык интэриэһиргэттэ. Арай телевизорынан Болуоссаты көрдөххө уп-улахан курдук, онтон иһигэр киирдэххэ кыра баҕайы курдук эбит. Кыһыл болуоссат наһаа элбэх историяны кистээн сытыарар. Биһиги оскуолабыт В.И.Ленин аатын сүгэр буолан Мавзолейы интэриэһиргээбитим, хомойуох иһин, наһаа элбэх, уһун уочарат буолан киирбэтэхпит. Денис: Мин Москваҕа олимиадаҕа бараҕыт диэн эппиттэригэр бастаан итэҕэйбэтэҕим. Самолекка олорон баран биирдэ итэҕэйбитим, бу, кырдьык, Москваҕа баран эрэбин диэн. Саамай долгутуулаах күммүт олимпиадалыыр күммүт этэ. Олимпиада тестирование быһыытынан ыытыллар. Соудаҕа уопсайа 30 ыйытыыттан турар, 2 чаас олорон толкуйдаан оҥорбуппут. Уп-улахан зал иһигэр уу-чуумпутук олорбуппут. Үксүн задачалар этэ уонна биологияттан баара. Барыбытыгар араас варианнар этэ. Саамай бүтэһик биһиги төрдүөн хаалбыппыт. Наҕараадалааһыҥҥа Айастаан уонна Айаал миэстэлэспиттэриттэн наһаа үөрбүппүт. Айастаан: Наҕараадалыыр өрөгөйдөөх киэһэҕэ долгуйуу бөҕө этэ. Зал иһэ толору киһи. Миэстэлэспит оҕолору ааттаан бардылар, арай мин ааппын ааттаабыттарыгар сыыһа иһиттим дии санаабытым. Маннык үрдүк таһымнаах олимпиадаҕа миэстэлэспиппиттэн наһаа үөрэбин уонна биһиэхэ маннык үчүгэй түгэни бэлэхтээбит саха тылын уонна литературатын учууталыгар, Саинна Иннокентьевнаҕа, барҕа махталбын тиэрдэбин!
Рахлеева В.П., учуутал "Кайыы тыата" Бала5ан ыйын 11 кунугэр нэьилиэккэ «Кыайыы тыата» диэн, Кыайыы 70 сылыгар аналлаах Бутун Россиятаа5ы экологическай акция-субботник чэрчитинэн, тумсуулээх тэрээьин ыытылынна. 70 араас мас нэьилиэкпит кестуулээх сирдэригэр олордулунна.Ыалдьыттарынан буоллулар тыыл,улэ ветераннара . Кыттыыны ыллылар нэьилиэк бары тэрилтэлэрэ, оскуола уерэнээччилэрэ. Бала5ан ыйын 10 кунугэр оскуола5а «Баьаарнай уерэх» ыытылынна. Уерэтиини учуутал Неустроев А. М. уонна олохтоох баьаары утары сулууспа этэрээтин байыастара иилээн-са5алаан тэрээьиннээхтик ыыттылар. Уолба оскуолата 2015-16 уерэх сылын балаган ыйын 1 кунуттэн са5алаата. Оскуола5а 73 уерэнээччи уерэнэр,маннайгы кылааска 8 о5о- 2 кыыс, 6 уол киирдэ,учууталлара А. Б. Егорова.Билии кунугэр торжественнай линейка буолла. Таатта улууьун культура управлениятын начальнига Лопатин Афанасий Петрович кыттыыны ылла. «Уолба нэьилиэгэ» муниципальнай тэриллии баьылыгар кандидат Рахлеев Василий Петрович аныгылыы таас «оскуола уонна о5о сада бииргэ» проект былаанын, проегын уеруулээх быьыыга туттарда. Линейка кэнниттэн 1-11 кылаастарга Билии кунунэн кылаас чаастара, Эйэ уруоктара ыытылыннылар.
Учуутал кунугэр аналлаах тэрээьин туьунан Нэдиэлэ устата учуутал кунугэр аналлаах тэрээьин буолан ааста. Кылаас о5олоро учууталга аналлаах э5эрдэ хаьыат таьаардылар, открытка онорон бэлэх ууннулар. КСК -а5а тереппуттэр, о5олор, кулууп улэьиттэрэ «Махтанабын эйиэхэ, Учуутал!» диэн ааттаах киэьэни тэрийдилэр. Э5эрдэ нуемэрдэри кердердулэр, оонньуу ыыттылар. Тереппуттэр учууталларга минньигэс торт бэлэхтээтилэр. В этой неделе проводится неделя посвященная к дню учителя. 24 сентября 2014 года в нашей школе проводился Всероссийский день бега "Кросс нации". Все ребята и учителя приняли активное участие. Дети участвовали в забегах по возрастным категориям. Было очень интересно, те, кто заняли призовые места были награждены грамотами.
      «Айхал» байыаннай - спортивнай кулууп улэтэ. «Айхал» байыаннай – спортивнай кулууп оскуола иьинэн 2010 сыллаахтан тэриллэн улэлиир. Кулуупка 7-11 кылаас уерэнээччилэрэ, барыта 37 о5о дьарыктанар. Кинилэри ОБЖ учуутала Неустроев Артаньян Макарович салайар. Кулууп устааптаах, балаьыанньалаах, гербэлээх, ырыалаах, анал формалаах, уерэнэллэригэр толору хааччыллыылаах кабинеттаахтар. О5олор нэдиэлэ5э иккитэ дьарыктаналлар. Кыайыы кунун керсе 8-11 кылаас уолаттарыгар «Казарма» проект улэлиир. Бу о5олор проектарыгар тереппуттэр эмиэ кыттыьаллар, оскуола5а 5 кун устата хоно сытан армия оло5ор уерэнэллэр. Армия5а сулууспалаан кэлбит уолаттар «Казарма» проект туьатын о5олорго кэпсииллэр. «Айхал» кулууп 4 сыл устатыгар угус ситиьиилээх:
Социализация выпускников за последние 5 лет (2008-2012). За последние 5 лет школа выпустила 58 выпускников. Из них учатся в: ВУЗах – 20, ССУЗах – 30, НПО – 6. Из них отличники учебы – 5, хорошисты – 14. Закончили учебу и работают 11, служат в рядах Российской Армии – 5. Среди наших выпускников имеются:
Поздравляем учащихся 9 классого с успешной сдачей ГИА по русскому языку!!! Анжелику Юрьевну с 70 % - ом качества! Желаем дальнейших успехов.
На 2013-2014 учебный год в нашей школе планируется поступление в 1 класс - 10 учащихся, в 10 класс - 10 учащихся. Желающим учиться у нас обращаться в администрацию школы до 29 августа 2013г.
"Кетеллер кемус дор5ооннор" Уолбаҕа "Көтөллөр көмүс дорҕооннор” диэн ааттаах ырыа дьоро киэһэтэ буолан ааста. Бу дьоро киэһэни алын сүһүөх оскуола төрдүс кылааһа (кылаас салайааччыта Рахлеева В.П.) бэлэхтээтэ. Маҥнайгы кылаастан сэттэ уол тутуспутунан үөрэнэллэр. Уолаттар "Уолбан” диэн ансамбль тэринэн бэйэлэрин кэмнэригэр кэккэ ситиһиилэннилэр. Ансамбылы оскуола опыттаах учуутала, олохтоох ырыа айааччы Зоя Афанасьевна Егорова төрүттээбитэ. Билигин уолаттар кини хас да ырыатын уостан түһэрбэккэ ыллыыллар. "Уолбан” ансамбыл уолаттара бары биир киһи курдук тутуспутунан туох баар тэрээһиннэргэ көхтөөхтүк кытталлар. Махталбытын тиэрдэбит Быйылгы уерэх дьылыгар биьиги нэьилиэккэ «Бары бииргэ» акциянан са5аланан, эссэ 90-с сылларга В.Е.Большаков директордаабыт кэмиттэн иитиэйэхтээбит ба5а санаабыт туолан, аныгылыы матырыйаалынан тупса5ай кестуулээх, сиэдэрэй оноьуулаах сана учебнай-производственнай мастерской дьиэтэ улэ5э киирдэ. Сана объегы тутууга улуус баьылыга М.А.Протодьяконов, улуус уэрэ5ин управлениетын начальнига Ю.С.Дедюкин эйээьуннэринэн уонна нэьилиэкпит олохтоохторо ( баьылык В.П.Рахлеев), оскуола улэьиттэрэ ( директор Атласова И.И). быьаччы ке5улээьиннэринэн «Норуот кууьэ - кемуел кууьэ» девиьинэн салайтаран учебнай-производственнай мастерской дьиэтин тутуутугар олохтоохтор бары биир киьи курдук турунан улэлэстилэр. Ол курдук маьын киллэриигэ - «Уолба» СХПК (директор Соломонов Н.Н.), кэтэх техникалаахтар; акылаатын туьэриигэ - ОДЬКХ коллектива (сал.Винокуров А.А.), кендейун тутууга - Баайа5аттан анал биригээдэ ( сал. Слепцов И. И.), ис оноьуутугар оскуола улэьиттэрэ, тереппуттэрбит, ветераннар уонна бары тэрилтэлэр улэьиттэрэ биир киьи курдук улэлээн, тохсунньу ыйга улэ5э киллэрдибит. Сана мастерскойбут тутуллан, бары да уеруубут уксээтэ. Кэнчээри ыччаппыт сайдарын туьугар дьоьун улэ оноьулунна диэн сыаналыыбыт. Сымала сыттаах сана дьиэбитигэр о5о-аймах уьанарга, иистэнэргэ, уруьуйдуурга уерэнэр, сып-сырдык библиотека уонна эстетичекай кылаас ааннарынан сананы, кэрэни билээри, билиитин чинэтээри тохтоло суох субуьар. Уерэх малынан толору хааччыллыылаах сырдык кылаастарга киьи эрэ сургэтэ кете5уллэн улэлиир-уерэнэр усулуобуйата тэрилиннэ. Ону барытын буларга-таларга |
|
